ఎస్సై సాయికుమార్‌ కథనం ప్రకారం.. నిర్మల్‌రూరల్‌ జిల్లా కేంద్రంలోని మంజులాపూర్‌లో ఉంటున్న ఓ గృహిణి ఫ్లిప్‌కార్ట్‌లో ఆన్‌లైన్‌లో ఓ వస్తువు ఆర్డర్‌ చేసింది. ఆ వస్తువును మంగళవారం ఓ డెలివరీ బాయ్‌ తీసుకుని వచ్చాడు. ఉదయం గృహిణి ఇంటికి వచ్చాడు. ఆ సమయంలో ఇంట్లో ఎవరూ లేకపోవటంతో ఒంటరిగా ఉందని గ్రహించి అత్యాచారయత్నానికి ప్రయత్నించాడు. ఆమె వెంటనే అప్రమత్తమై గట్టిగా కేకలు వేసింది. కేకలు విన్న స్థానికులు చుట్టుపక్కల వారి ఇంటికి వచ్చారు. ఈ లోపే డెలివరీ బాయ్‌ భయపడి పారిపోయాడు. వెంటనే గృహిణి, స్థానికులు, కుటుంబ సభ్యులతో కలిసి రూరల్‌ పీఎస్‌కు వెళ్లి ఫిర్యాదు చేశారు. కేసు నమోదు చేసి ఎస్సై సాయికుమార్‌ నిందితున్ని వెతికి పట్టుకొని అరెస్టు చేశారు. ఈ సందర్భంగా ఎస్సై మాట్లాడుతూ.. ఈ కామర్స్‌ డెలివరీ బాయ్‌ ఎవరు వచ్చినా ఇంటి లోపలికి అనుమతించొద్దన్నారు. గేటు బయట ఆపి పార్సిల్‌ తీసుకోవాలని సూచించారు. అనుమానిత వ్యక్తులు ఇంటికి వస్తే వెంటనే డయల్‌ 100కు సమాచారం అందించాలని రూరల్‌ ఎస్సై సాయికుమార్‌ తెలిపారు.