అల్లం-రాతి ఉప్పు వల్ల ఉపయోగాలు:

అల్లం కూరల్లో ఎంతో రుచిని ఇస్తుందని మనందరికీ తెలుసు. అయితే దీనిని రసం తాగిన ఆరోగ్యానికి చాలా మంచిది. అల్లంలో యాంటీ ఆక్సిడెంట్లు, ఇతర పోషకాలు పుష్కలంగా ఉన్నాయి. కడుపుబ్బరం, గొంతునొప్పి, గొంతు గరగర, అజీర్తి వంటి సమస్యలు ఉంటే రాతిఉప్పు- అల్లం వెంటనే ఉపశమనం ఇస్తుంది. దీనికి మీరు చేయాల్సిన పని ఏమిటంటే.. రాత్రి భోజనం చేసేముందు అల్లం ముక్క మీద కొద్దిగా రాతిఉప్పు కలిపి తింటే ఈ సమస్యల నుంచి బయట పడవచ్చు. వీటిని రెండు విధాలుగా తిసుకోవచ్చు..  1. అల్లం చిన్న ముక్కలుగా తీసుకొని రాతి ఉప్పును దానిపై కొంచెం చల్లాలి భోజనానికి పది నిమిషాలు ముందు దీనిని తినాలి. ఇలా తినడం వల్ల డైజెస్టివ్ సిస్టమ్‌ మంచిగా పని చేస్తుంది. అంతేకాకుండా గొంతులో గరగర కూడా వెంటనే తగ్గిపోతుంది. 2వ పద్ధతి..  అల్లాని చిన్న చిన్న ముక్కలుగా చేసుకొని అందులో రాతి ఉప్పు కలిపి దీనిని కూడా భోజనానికి ముందు తినాలి. ఎలా చేయడం వలన గొంతులో గరగర తగ్గటంతో పాటు శరీరంలో రోగనిరోధకశక్తి కూడా పెరుగుతుంది. ఇది కాకుండా అల్లాన్ని మరిగించి ఆ నీటిని వడకట్టి తాగినా శరీరానికి అద్భుతమైన ఫలితాలు ఉంటాయని నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.