సెబీతో కార్వీ స్టాక్‌ బ్రోకింగ్‌కు మళ్లీ భారీ చర్య: బ్యాంకు డిపాజిట్లు, డీమ్యాట్‌ ఖాతాలు జప్తు

బిజినెస్ బిజినెస్

Posted by pallavi on 2024-09-13 19:43:31 |

Share: Facebook | Twitter | Whatsapp | Linkedin Visits: 54

---

న్యూఢిల్లీ: కార్వీ స్టాక్‌ బ్రోకింగ్‌ లిమిటెడ్‌ (కేఎస్‌బీఎల్‌) మరియు దాని ప్రమోటర్ సీ పార్థసారథి పై మార్కెట్ నియంత్రణ మండలి సెబీ మరోసారి కఠిన చర్య తీసుకుంది. వీరికి చెందిన బ్యాంకు డిపాజిట్లు మరియు డీమ్యాట్‌ ఖాతాలను జప్తు చేసింది. గత నెలలో రూ.25 కోట్ల జరిమానా చెల్లించాలని ఇచ్చిన ఆదేశాలను కేఎస్‌బీఎల్‌ మరియు పార్థసారథి నిబంధనలు పాటించకపోవడంతో సెబీ ఈ చర్యకు దిగింది. 

కేఎస్‌బీఎల్‌ తన వద్ద డీమ్యాట్‌ ఖాతాలు ఉన్న ఖాతాదారుల నుండి తీసుకున్న పవర్‌ ఆఫ్‌ అటార్నీ (పీఓఏ)లను దుర్వినియోగం చేసి, ఖాతాల్లోని షేర్లను బ్యాంకుల వద్ద పెద్ద మొత్తంలో నిధులు సమీకరించేందుకు ఉపయోగించి, వాటిని తన అనుబంధ కంపెనీలకు మళ్లించింది. ఈ అంశం బయటకు రావడంతో, సెబీ కేఎస్‌బీఎల్‌ను మరియు దాని ప్రమోటర్‌ను ఆరేళ్ల పాటు సెక్యూరిటీస్‌ మార్కెట్‌ నుంచి బహిష్కరించింది. అదేవిధంగా, కేఎస్‌బీఎల్‌ మరియు పార్థసారథిపై రూ.21 కోట్ల జరిమానా విధించింది.

Go!